English page Verkkosivu suomeksi

Li∂ur 1: Sýn

  • Välfärdsteknologi

HVAÐ ER SÝN OG ÞVÍ ER HÚN MIKILVÆG FYRIR ALLT VINNSLUFERLI VELFERÐARTÆKNI?

Sýn er einfaldlega skilningur á því af hverju við erum að gera þetta? Hverju viljum við ná fram með því að vinna með velferðartækni? Hver markmið okkar og metnaður er? Hlutverk þess getur verið sem hvetjandi skjal, en það er mikilvægt að hún sé hvorki stefnuáætlun né „viðskiptaáætlun", hún á ekki að útskýra hvernig eigi að ná þessum markmiðum og metnaði.

Sýn er mikilvæg þar sem erfitt er að öðlast metnað ef þú tekur þér ekki tíma til að skilgreina hana rétt. Góð sýn getur virkað sem leiðsögn fyrir starfsfólk og stjórn, til að tryggja að allir séu að fara í rétta átt. Það er mikilvægt fyrir allt vinnsluferlið þar sem hún lýsir metnaði þínum í orðum og aðalástæðunni að unnið sé með velferðartækni, og sem slík hefur hún áhrif á nokkra af eftirfarandi liðum í vinnsluferlinu.

RÁÐLEGGINGAR

  • Almennt séð skaltu muna að engin sýn er betri en léleg sýn: Of margar sýnir eru einfaldlega vegna þess að „allir hafa sýn" sem gerir að verkum að þær verða óraunverulegar eða vantar skiljanlega merkingu. Tryggja verður að sýn sé klæðskerasaumuð fyrir stofnun þína.
  • Mundu að horfa alltaf á stóru myndina. Mörg norræn lönd hafa þegar markmið fyrir sveitarfélög sín innan velferðartækni, svo tryggja verður að þín sýn henti hér. Ennfremur er velferðartækni tiltölulega lítið svið sérþekkingar, en nær yfir mörg störf og skipulagsskiptingu. Íhugaðu hvort að sýn á velferðartækni sé betur þjónað í sambandi við heildaráætlun – til dæmis nýsköpun – til að tryggja að skipulagningin festi sig í sessi.
  • Ef sveitarfélag þitt hefur heildarsýn eða einfaldlega heildarsafn gilda eða metnaðarmál, skaltu muna að tryggja að þín sýn innan velferðartækni passi við þessi gildi og metnaðarmál til að tryggja framhald og forðast rugling.

LEIÐBEININGAR BYGGÐAR Á REYNSLU

  • Sýn er einstaklingsbundin sem byggist á þeim gildum sem eru mikilvæg fyrir þig. Hún er einnig skýr og ótvírætt orðuð. Þó svo að sýnin ætti að vera metnaðarfull, er líka mikilvægt hún sé raunsæ með tilliti til stöðu þinnar á markaðnum og þann mannauð sem tiltækur er fyrir þig.
  • Sýn á velferðartækni öðlast gildi ef breiður hópur hagsmunaaðila hefur fengið tækifæri til að leggja sitt að mörkum (eins og stjórn, starfsfólk, notendur og ættingjar). o En sýnina verða stjórnmálamenn og yfirstjórnendur að viðurkenna og samþykkja til að tryggja að hún festist að fullu í sessi og verður hluti af allri stofnunni.
  • Sýnin ætti að vera skýr og metnaðarfull, hafa stefnu – en á sama tíma verður að vera hægt ná því markmiði sem metnaðurinn segir til um til að tryggja áframhaldandi framgang (svið velferðartækni er enn ungt og árangur elur af sér árangur).
  • Þegar þú orðar sýn þína verður þú að huga að tímaramma hennar. Sýn fyrir opinbert vald ætti að hugsa fram í tímann og ná yfir að minnsta kosti 3-5 ár. Ekki skal hafa með tímatiltekin markmið eða þætti, þau er best að nota í stefnuáætlun, en íhugaðu hvort að sýn þín hafi rétt langlífi.

HVAÐ HEFUR ÞAÐ ÞÝTT AÐ HAFA SÝN FYRIR CONNECT-ÞÁTTTAKENDUR

Lister

Í Lister sjáum við „sýn" sem framkvæmdaaðila. Að hafa sýn sameinar sameiginlega viðleitni okkar innan skipulagningu okkar að sameiginlegu marki. Sýnin gerir festir stefnuáætlun og gerir hana mögulega sem og ný framtaksverkefni innan velferðartækni. Hún léttir einnig á öllum samskiptum, þar á meðal við stjórnmálamenn og yfirstjórn.

Västerås

Västerås hefur fram til þessa vantað sýn fyrir velferðartækni. Það þýðir að mest öll vinnan hefur verið fyrir þetta, aðallega hrundið af stað af óskipulögðum atvikum eins og fjármögnun verkefna eða funda með tækniseljanda. Því erum við ekki viss um að viðleitninni hafi verið beint að þörfum í forgangsröð og við höfum ekki getað náð hámarks samvirkni. Við mælum sterklega með því að koma á vinnu með velferðartækni með því að útfæra og festa í sessi sýn (og stefnuáætlun).

Gautaborg

Þegar unnið er með sköpun sýnar eru samræðurnar brýndar og farið djúpar í það sem við viljum ná, frá hverjum og af hverju. Slíkar samræður gefa af sér sköpun, þátttöku og samkomulag. Þegar búið er að mynda sýnina, þá er hún knúin áfram og markar stefnu fyrir sameiginlega viðleitni okkar.

TILTÆKUR TÆKJABÚNAÐUR

The Danish Agency for Digitalization býður upp á snið á vefsíðunni (sjá krækjuna hér að neðan). Ef þú velur að nota þennan tækjabúnað, skaltu íhuga hvort að samskiptaáætlun þín eigi að vera aðskilin (eins og mælt er með af CONNECT – sjá lið 3). https://www.google.se/?gfe_rd=cr&ei=-vK8VOGrKoq6wQPV6IDgBw&gws_rd=ssl#q=skabelon+vision

DÆMI UM SÝNIR FRÁ ÞÁTTTAKENDUM CONNECT

Dæmin hér að neðan eru einfaldlega valin brot. Vinsamlegast hafðu samband beint við hvert sveitarfélag til að fá allt skjalið eða frekari upplýsingar um sýn þeirra á vinnu með velferðartækni. (sjá tengiliðalista í útgáfunni).

Árósar (úrdráttur á dönsku)

Velferðartækni getur aukið öryggi borgara og möguleikann á því að ráða við dagleg verk og ferðir í og út fyrir heimilið. Velferðartækni veitir því aukna sjálfshjálp og betri lífsgæði fyrir helstu markhópana, eins og eldra fólk, sjúklinga með langvarandi sjúkdóma og fatlaða einstaklinga. Með þessu losast um starfskrafta sem hægt er að nota í annað. Velferðartækni getur að auki styrkt menntun og velferð annarra markhópa.

Stjórnarflokkarnir vilja koma Árósum á heimskort velferðartækninnar með því að:

  • Skapa alþjóðlega leiðandi þróunar- og viðskiptaumhverfi innan velferðartækni.
  • Sveitarfélag Árósar verður frumkvöðull fyrir notkun á velferðartækni á öllum þjónustusviðum sveitarfélagsins.
  • Sveitarfélag Árósar veitir borgurum ábyrgð og hæfni til að nota tækni dagsdaglega.

Oulu (úrdráttur)

Í Oulu höfum við skapað margþætt nýsköpunarumhverfi sem er tengt við sveitarfélagið með háskóla og sjúkrahúsi, o.s.frv. Saman höfum við sýn til að: „Að fá fram áhrifaríka notkun tækni á sviði heilbrigðismála í borg þar sem borgarbúar stjórna með virkum hætti velferð sinni". Þú getur lesið meira á www.ouluhealth.fi

Dennis C. Søndergård

Sidansvarig

Dennis C. Søndergård

Seniorrådgivare Välfärdsteknologi

Mobil +46-76 000 3545

Senast uppdaterad

2017-05-16

Nyckelord

  • Välfärdsteknologi

Nordens välfärdscenter | tel: +46 8 545 536 00 | | En institution under Nordiska ministerrådet